• सुरवातीच्या काळात इमिडाक्‍लोप्रीडचा वापर टाळावा.
• पहिली फवारणी जेवढी लांबवता येईल, तेवढी लांबवावी, त्यामुळे मित्र कीटकांचे संवर्धन होईल.
• रस शोषण करणाऱ्या किडींसाठी ऍसिफेट (75 टक्के) 20 ग्रॅम प्रति 10 लिटर पाण्यात मिसळून फवारणी करावी. ऍसिफेट हे मध्यम विषारी गटातील असल्यामुळे मित्र किडींना कमी हानिकारक आहे. किंवा
• फोरेट (10 जी) किंवा फिप्रोनील (0.3 जी दाणेदार) 10 किलो प्रति हेक्‍टर याप्रमाणे जमिनीत ओल असताना झाडाच्या भोवती बांगडी पद्धतीने द्यावे. किंवा
• पाच टक्के निंबोळी अर्क किंवा निंबोळी तेल 50 मि.लि. प्रति 10 लिटर पाणी यांचा वापर पीक 30 दिवसांचे झाल्यानंतरच करावे. किंवा
• खोडाच्या वरच्या बाजूस ऍसिफेट (75 टक्के) किंवा मोनोक्रोटोफॉस (36 टक्के) यांचे पाण्यातील द्रावण (1ः4 प्रमाण) लावावे.
• मित्र कीटकांना हानिकारक कीटकनाशकांची फवारणी टाळावी.

पिकाचा कालावधी – 40-60 दिवसांचे असता वेळी :- 

संभाव्य प्रमुख किडी :-

• व्हर्टिसिलीयम लिकॅनी या बुरशीवर आधारित कीटकनाशकाची 40 ग्रॅम प्रति 10 लिटर पाण्यात मिसळून फवारणी करावी. किंवा
• थायामेथोक्‍झाम (25 टक्के) 2.5 ग्रॅम किंवा ऍसिटामिप्रीड (20 टक्के) दोन ग्रॅम प्रति 10 लिटर पाण्यात मिसळून फवारावे.
• तंबाखूवरील पाने खाणारी अळी (स्पोडोप्टेरा)च्या व्यवस्थापनासाठी नोमूरिया रिलाई हा बुरशीजन्य घटक 40 ग्रॅम प्रति 10 लिटर पाण्यात मिसळून फवारावा. अंडीपुंज व लहान अळ्या हाताने वेचून नष्ट कराव्यात.
• सुरवातीच्या काळात दुय्यम किडी जसे करडे भुंगेरे, पाने पोखरणारी अळी, पाने गुंडाळणारी अळी, उंटअळ्या, केसाळ अळ्या इत्यादी कमी प्रमाणात आढळून येतात, त्यांच्यासाठी कीटकनाशकाची फवारणी करू नये.

पिकाचा कालावधी – 60-80 दिवसांचा असते वेळी :-

संभाव्य प्रमुख किडी :-

            फुलकिडे, तुडतुडे, पांढरी माशी

• फिप्रोनील (पाच टक्के) 20 मि.लि. किंवा क्‍लोथिनियाडीन (50 टक्के) एक ग्रॅम प्रति 10 लिटर पाण्यात मिसळून फवारावे.
• पिवळे चिकट सापळे शेतामध्ये लावावेत.